Neng Her

Nyaj Neeb Hawj yug August 15, 1957, rua huv Haav Naab Xees, Xeeskhuaom, tebchaws Lostsuas. Nwg txiv yog Nplaj Yob Hawj, nwg nam yog Ntxawm Koo. Xyoo 1976, nwg nam tau taag simneej lawm, nwg txiv txhaj les yuav nam tshab, kws yog Yeeb Vaaj. Nyaj Neeb muaj 7 tug kwv tij: Txawj Pov, Zoov Choj, Nchaiv Tuam, ZoovTsawb, Xaab, hab ob tug kwv kws tau taag simneej thaum tseem yau. Nwg muaj 7 tug muam: Mog, Cua, Ntsuab, Maiv Lig, Phuab, Paaj, hab Vaaj.

October 1979, Nyaj Neeb nrug rua nwg tsev neeg tsiv tuaj nyob tebchaws Meskas, huv lub nroog Watertown, Wisconsin. Tsis ntev tom qaab ntawd, puab tsiv lug nyob huv lub nroog Kansas City, Kansas. September 16, 1980, Nyaj Neeb tau yuav Kab Koo. Ob tug txaus sab lug sib sau ua neej lawv les nam hab txiv sab nyam. Nyaj Neeb hab Kab txuj kev sib hlub luj hlub moog les. Kab yog tug kws Nyaj Neeb hlub tshaj plawg huv nwg lub neej.

Vaajtswv foom koob moov rua Nyaj Neeb hab Kab, ob tug muaj rau tug tub hab ob tug ntxhais. Xyoo 1986, Nyaj Neeb tsev neeg tau tsiv moog nyob huv lug nroog Pontiac, Michigan. Thaum ntawd Nyaj Neeb moog kawm ntawv ib ntus. Hab, nwg moog pe hawm Vaajtswv, coj pawg nsteeg huv Pontiac Hmong Alliance Church nrug nwg cov kwv tij txheeb ze. Xyoo 1989, Nyaj Neeb tsev neeg rov qab lug nyob huv Kansas City, Kansas.

Xyoo 1994, Nyaj Neeb pib ua dlejnum rua huv lub company Harlan. Nwg moog ua ib tug assembly-man. Nwg ua dlejnum moog txug xyoo 2011. Tom qaab ntawd, Nyaj Neeb tau lug su dlejnum. Nwg siv sijhawm lug nyob nrug nwg tsev neeg hab ua tej yam kws nwg nyam, xws li thov Vaajtswv rua nwg tsev neeg, nuv ntseg, tua tsaj, ua teb cog mov nplej hab zaub, nyob nrug nwg cov xeeb ntxwv, hab uas dlejnum rua Vaajtswv nrug pawg ntseeg New Life Fellowship Church.

April 2, 2026, Nyaj Neeb moog pw University of Kansas Hospital. Nwg tug mob yog brain cancer. April 28, 2026, nwg tau tso peb suavdlawg tseg moog nrug Vaajtswv nyob lawm. Txawm nwg lub neej nyob nplaj teb nuav tau xaus lawm los, nwg txuj kevntseeg Vaajtswv tseem ruaj khov moog txug nub kawg.

Nyaj Neeb tau tso nwg tus quas puj, Kab, hab cov miv nyuas tub-nyaab, ntxhais-vauv, nrug rua cov xeeb ntxwv tseg. Cov tub-nyaab, ntxhais-vauv yog: Ceeb Fwm; Sua hab Vauv Ntsuas Nplooj; Zaam Nplooj hab Ntxawm; Ntsum Lig hab Vauv Pho; Kaav hab Npaub; Txawj Ku hab Karen; Hwm Looj hab Paula; hab Ntxoov Xeeb hab Maiv Hli. Cov xeeb ntxwv yog: Kyle, Skyler, Lily, Breea hab Vauv Ricky, Jolie, Nigel, Maximus, Keyan, Cody, Nicholas, Shaila, Tyler, Lance, Octavius, Leo, Isaac, Emalia, hab Alora; nrug rua nwg xeeb ntxwv ob tug tub, Liam hab Rayleigh.

Nyaj Neeb yog ib tug txiv tsev zoo, nwg hlub nwg tsev neeg kawg les. Nwg yog ib tug kwv tij hab phooj ywg zoo rua coob leej ntau tug. Nwg muaj sab ntseeg Vaajtswv hab uas nwg tej dlejnum. Nyaj Neeb yog ib tug kws has lus tsawg, tabsis nwg txuj kev hlub yeej pum tseeb nyob huv nwg tej dlejnum. Txawm yog ib hnab mov nplej tshab los cov zaub kws nwg tau cog, los cov ntseg crappie kws nwg nuv tau, nwg yeej muaj saab dlawb pub rua lwm tug. Peb suavdlawg yuav ncu ntsoov nwg txuj kev sab dlawb, nwg tug cooj pwm sab zoo, hab nwg txuj kev luag ntxhi suv sab.

Services are as follows:

Saturday, July 25, 2026 Faith Deliverance

Family Time AM: 8:00 AM ~ 9:00 AM

Visitation AM: 9:00 ~ 10:00 AM

Morning Service AM: 10:00 AM ~ 12:00 PM

Family Time PM: 1:30 PM ~ 2:30 PM

Visitation PM: 2:30 PM ~ 3:30 PM

Evening Service:  3:30 PM ~ 5:30 PM

Sunday, July 26, 2026 Faith Deliverance

Family Time: 2:00 PM ~ 3:00 PM

Visitation: 3:00 PM ~ 4:00 PM

Service: 4:00 PM ~ 6:00 PM

Monday, July 27, 2026 Faith Deliverance & Gate of Heaven

Final Viewing: 9:00 AM ~ 10:00 AM

Service: 10:00 AM ~ 11:00 AM

Graveside Service: 12:00 PM Gate of Heaven